ಧರೆಗಿಳಿದ ಸ್ವರ್ಗ ಮೆಟ್ಕಲ್ ಗುಡ್ಡ

ಮೆಟ್ಕಲ್ ಗುಡ್ಡದ ಮೇಲೆ ನಿಂತು ಸುತ್ತಲೂ ವೀಕ್ಷಣೆ ಮಾಡಿದರೆ ಸ್ವರ್ಗಸೃದಸ್ಯ ಪ್ರಕೃತಿಯ ದರ್ಶನವಾಗುತ್ತದೆ ಪೂರ್ವದಲ್ಲಿ ಚಂಡಿಕಾಂಬೆ, ಪಕ್ಕದಲ್ಲಿ ವಾರಾಹಿ ನದಿ, ವಾರಾಹಿ ವಿದ್ಯುದಾಗರ, ಉತ್ತರದ ನೋಟದಲ್ಲಿ ಹೊಸಂಗಡಿ ಊರು, ಐತಿಹಾಸಿಕ ಕೋಟೆಕೆರೆ, ಪಶ್ಚಿಮದಲ್ಲಿ ಕರಾವಳಿ ನೋಟ ಕೆಳಗೆ ದೃಷ್ಟಿ ಹಾಯಿಸಿದರೆ ಇರುವೆಗಳಂತೆ ಸಾಗುವ ಜನ, ವಾಹನಗಳು, ಹಸಿರು ಗದ್ದೆಗಳು, ಕಾಡಂಚಿನ ಮನೆಗಳು ಗೋಚರಿಸುತ್ತದೆ. ಪ್ರಕೃತಿಯ ನೋಟದಲ್ಲಿ ತನ್ಮಯತೆಯಿಂದ ಲೀನವಾಗುವ ಕ್ಷಣದಲ್ಲಿ ದೂರದಿಂದ ಬೀಸಿ ಬರುವ ತಂಗಾಳಿ ಗಣಪತಿ ದೇಗುಲದ ಘಂಟೆಗಳ ನಿನಾದವನ್ನು ಬಡಿದೆಬ್ಬಿಸುತ್ತದೆ. ಮೇರುಭಾಗದಲ್ಲಿ ಯೋಗಮುದ್ರೆಯಲ್ಲಿ ಕುಳಿತಿರುವ ಗಣಪತಿ ದೇವರನ್ನು ನೋಡುವಾಗ ಭಕ್ತಿಪ್ರಧ ಅನುಭೂತಿ ಉಂಟಾಗುತ್ತದೆ ಗಣಪತಿ ಸಾನ್ನಿಧ್ಯದ ಈಶಾನ್ಯ ಭಾಗದಲ್ಲಿ ನಾಗದೇವರ ಸಾನ್ನಿಧ್ಯವಿದೆ.

ಜೊತೆಗೆ ಬ್ರಹ್ಮ ಮತ್ತು ಯಕ್ಷೇಶ್ವರಿ ದೇವರನ್ನು ಕೂಡಾ ಪ್ರತಿಷ್ಠಾಪಿಸಲಾಗಿದೆ ದೇಗುಲದ ಅರ್ಚಕರು ಹೇಳುವಂತೆ ಈ ಸಾನ್ನಿಧ್ಯಕ್ಕೆ ಸಾವಿರಾರು ವರ್ಷಗಳ ಇತಿಹಾಸವಿದ್ದು, ಅಗಸ್ತ್ಯ ಮಹಾಮುನಿಗಳು ಇದೇ ಸ್ಥಳದಲ್ಲಿ ತಪ್ಪಸ್ಸಿನ ಮೂಲಕ ಒಲಿಸಿಕೊಂಡ ಪರಮ ಪವಿತ್ರ ತಪೋಭೂಮಿ ಇದು. ಅಗಸ್ತ್ಯ ಮುನಿಗಳು ಈಶ್ವರ ದೇವರನ್ನು ಇಲ್ಲಿ ಪ್ರತಿಷ್ಠಾಪಿಸಿದ್ದರು ಎಂದು ಅಷ್ಟಮಂಗಲ ಪ್ರಶ್ನಾಮಾರ್ಗದಲ್ಲಿ ತಿಳಿದುಬಂತು ಕಾಲಕ್ರಮೇಣ ಜೈನರ ಕಾಲದಲ್ಲಿ ಈಶ್ವರ ದೇಗುಲ ನಶಿಸಿತ್ತು ತದ ನಂತರ ರಾಜ್ಯವನ್ನಾಳುತ್ತಿದ್ದ ರಾಜವಂಶಸ್ಥರು ಇಲ್ಲಿ ಗಣಪತಿ ದೇವರನ್ನು ಪ್ರತಿಷ್ಠಾಪಿಸಿದರು ಎಂಬ ಉಲ್ಲೇಖವಿದೆ. 1992 ರಲ್ಲಿ ಈ ದೇಗುಲದ ಪುನರ್ ಪ್ರತಿಷ್ಠಾಪನೆ ಕಾರ್ಯ ನೇರವೇರಿತ್ತು ಪ್ರತಿವರ್ಷ ವಾರ್ಷಿಕ ಪ್ರತಿಷ್ಠಾ ಮಹೋತ್ಸವ ಇಲ್ಲಿ ಪ್ರಮುಖ ಉತ್ಸವದ ರೂಪದಲ್ಲಿ ಸಂಪನ್ನಗೊಳ್ಳುತ್ತದೆ.

ಮಂಗಳವಾರ ಮತ್ತು ಗಣೇಶ ಚತುರ್ಥಿ ದಿನ ಇಲ್ಲಿ ಭಾರಿ ಸಂಖ್ಯೆಯಲ್ಲಿ ಭಕ್ತರು ಬರುತ್ತಾರೆ. ಇತರ ದಿನಗಳಲ್ಲಿ ಗಣಹೋಮ ಇತ್ಯಾದಿ ಪೂಜಾ ಕೈಂಕರ್ಯಗಳು ನಡೆಯುತ್ತಿರುತ್ತದೆ ಮೆಟ್ಕಲ್ ಗುಡ್ಡ ಏರಲು ಎರಡು ದಾರಿಗಳಿವೆ ಒಂದು ಲಘು ವಾಹನಗಳ ಸಂಚಾರಕ್ಕೆ ಯೋಗ್ಯವಾಗಿದ್ದು, ಅದು ಹೊಸಂಗಡಿಯಿಂದ ಹೊರಟು ಭಾಗಿಮನೆಯೆಂಬ ಹಳ್ಳಿಯ ಮೂಲಕ ಹಾದುಹೋಗುತ್ತದೆ. ಇನ್ನೊಂದು short cut ದಾರಿ ಗೆರ್ಸಕಲ್ ಎಂಬ ಊರಿನ ಮೂಲಕ ಸಾಗುತ್ತದೆ.