ಪ್ರಕೃತಿಯ ವರದಾನ ಹೊಂದಿಕೊಳ್ಳುವ ಗುಣ ಚಾಣಾಕ್ಷ ಮೊಸಳೆಯ ಕಥೆ

ವೆಂಕ್ಟಾಪುರ ನದಿಯ ಎಡದಂಡೆಯ ನಿವಾಸಿಗಳು ಈ ಮೊಸಳೆಯ ವೀಡಿಯೋ ಮತ್ತು ಪೋಟೊ ಸೆರೆಹಿಡಿದಿದ್ದು, ಜನರ ಗದ್ದಲದ ಜೋರಾಗುತ್ತಲೇ ಈ ಚಾಣಾಕ್ಷ ಮೊಸಳೆ ನದಿಯಾಳದಲ್ಲಿ ಕಣ್ಮರೆಯಾಗಿದೆ. ಸ್ಥಳಕ್ಕೆ ಭಟ್ಕಳ ಅರಣ್ಯ ಅಧಿಕಾರಿಗಳು ಮತ್ತು ಸಿಬ್ಬಂದಿಗಳು ಧೌಡಾಯಿಸಿದ್ದು, ಈ ಬಾರಿ ಹೇಗಾದರೂ ಮಾಡಿ ಈ ಮೊಸಳೆಯನ್ನು ಹಿಡಿಯಲೇಬೇಕೆಂದು ಪಣ ತೊಟ್ಟಿದ್ದಾರೆ. ಸಾಮಾನ್ಯವಾಗಿ ಮೊಸಳೆಗಳು ಸಿಹಿನೀರಿನ ಪ್ರಾಣಿಗಳಾಗಿದ್ದು,ಉಪ್ಪು ನೀರಿನ ವೆಂಕ್ಟಾಪುರ ನದಿಯಲ್ಲಿ ನಾಲ್ಕು ವರ್ಷಗಳಿಂದ ಈ ಮೊಸಳೆ ಹೇಗೆ ಬದುಕಿತು? ಎಂಬ ಕೂತೂಹಲದ ಪ್ರಶ್ನೆಗೆ ಸ್ವಾರಸ್ಯಕರ ಮತ್ತು ವಿಸ್ಮಯಕಾರಿ ಉತ್ತರ ಇಲ್ಲಿದೆ. 2022 ರಲ್ಲಿ ಭಟ್ಕಳ ತಾಲೂಕಿನಲ್ಲಿ ಸಂಭವಿಸಿದ ಭೀಕರ ಜಲಪ್ರಳಯ ನದಿಗಳ ಗುಣಲಕ್ಷಣಗಳವನ್ನು ಮಾರ್ಪಾಡು ಮಾಡಿದ್ದು,ವೆಂಕ್ಟಾಪುರ ನದಿಯ ನೀರು ಈ ಜಲಪ್ರಳಯದ ಕಾರಣದಿಂದ ಕೆಲವು ತಿಂಗಳುಗಳ ತನಕ ಶೇಕಡಾ 50.50 ರ ಅನುಪಾತದಲ್ಲಿ ವಿಂಗಡಿಸಲ್ಪಟ್ಟಿತ್ತು ಪರಿಣಾಮವಾಗಿ ನದಿಯ ಭರತದ ಸಮುಯದಲ್ಲಿ ಇಲ್ಲಿನ ರೈಲ್ವೇ ಬ್ರಿಜ್ ತನಕ ಹರಿಯುತ್ತಿದ್ದ ವೆಂಕ್ಟಾಪುರ ನದಿಯ ನೀರು ಅಸಾಮಾನ್ಯ ರೀತಿಯಲ್ಲಿ ಐವತ್ತು ಶೇಕಡಾ ಚಪ್ಪೆನೀರು, ಅಂದರೆ ಸಿಹಿನೀರು ಮತ್ತು ಐವತ್ತು ಶೇಕಡಾ ಉಪ್ಪು ನೀರಿನ ರೂಪದಲ್ಲಿ ಹರಿಯತೊಡಗಿತು ಇದು ಮೊಸಳೆ ಬದುಕಿ ಉಳಿಯಲು ಅನೂಕೂಲಕರ ವಾತಾವರಣ ಸೃಷ್ಟಿಸಿತು.

ಪ್ರಕೃತಿಯೇ ಸೃಷ್ಟಿಸಿದ ಅಸಾಮಾನ್ಯ ಚಮತ್ಕಾರ ಈ ಮೊಸಳೆಗೆ ಜೀವನ್ಮುಖಿ ಬದುಕಿಗೆ ವರದಾನವಾಗಿ ಪರಿಣಮಿಸಿತು ಈ ಬಗೆಯ ಪ್ರಕೃತಿಯ ವರದಾನ ಮೊಸಳೆಯಂತ ಬಲಿಷ್ಠ ಜೀವಿಯ ಬದುಕಿ ಉಳಿಯುವಿಕೆಗೆ ಎಡೆಮಾಡಿಕೊಟ್ಟಿದೆ. ಇನ್ನೂ ಅದೃಷ್ಟವೆಂಬಂತೆ ಈ ಮೊಸಳೆಗೆ ಆಹಾರ ಕೂಡಾ ವೆಂಕ್ಟಾಪುರ ನದಿಯ ಅಸುಪಾಸಿನ ಪರಿಸರದಲ್ಲಿ ಲಭ್ಯವಾಯಿತು ಇಲ್ಲಿ ನಿರ್ಮಾಣಗೊಳ್ಳುತ್ತಿರುವ ಕಸಾಯಿಖಾನೆ ಸಂಸ್ಕರಣಾ ಘಟಕದಿಂದ ಸಂಸ್ಕರಿಸದೇ ಇರುವ ವಿವಿಧ ಪ್ರಾಣಿಗಳ ತ್ಯಾಜ್ಯಗಳನ್ನು ನೇರವಾಗಿ ದೊಡ್ಡ ದೊಡ್ಡ ಕೊಳವೆಗಳ ಮೂಲಕ ನದಿಗೆ ಬಿಡುತ್ತಿರುವುದರಿಂದ ಮೊಸಳೆಗೆ ಸಮೃದ್ಧ ಪ್ರಮಾಣದಲ್ಲಿ ಆಹಾರ ಲಭ್ಯವಾಯಿತು ಮತ್ತು ಈ ಆಹಾರ ತಿನ್ನಲು ಬರುತ್ತಿದ್ದ ಹತ್ತಿರದ ಕಾಡಿನ ಹಂದಿಗಳು, ಬೀದಿನಾಯಿಗಳು ಕೂಡಾ ಈ ಮೊಸಳೆಗೆ ಆಹಾರವಾದವು.